عاشق سارح في الملكوت ميهموش العمر يفوت



يدفع في الحريه حياته لو اتكتف للحظه يموت



قلبه بيبرق زي الماس و لا يملك غير الاحساس



غرقان في جروحه و الامه و بيداوي في جروح الناس



بايع قلبه للي يحبه و معندوش للحب شروط



عاشق سارح في الملكوت و لو اتكتف للحظه يموت



طير في السما و ملوش عنوان و في ايده خاتم سليمان



كان عايز بالضحكه يغير و يتوه كل الاحزان



عاش الحلم كانه حقيقه و افتكر ان الدنيا بريئه



من طيبته سلم لحبيبته و حبيبته بتبيع في دقيقه



فوق و اتحرر من اوهامك العمر بيخلص قدامك



الطير مش هيطير في جهنم و مفيش سمكه بتعشق حوت